ສູນພັດທະນາສີມືແຮງງານ ສຸກໃຈ ຈໍາກັດຜູ້ດຽວ ແມ່ນໜຶ່ງໃນພາລະກິດທີ່ສຳຄັນ ພາຍໃຕ້ “ກຸ່ມບໍລິສັດ ສຸກໃຈ” ທີ່ຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ ໃນການສ້າງ ແລະ ພັດທະນາສີມືແຮງງານລາວໃຫ້ມີຄວາມທັນສະໄໝ. ພວກເຮົາພ້ອມທີ່ຈະເປັນສູນກາງໃນການຍົກລະດັບຄຸນນະພາບຂອງກຳລັງແຮງງານ, ສ້າງໂອກາດໃນການຈັດຫາງານ ພ້ອມທັງສົ່ງເສີມການພັດທະນາອາຊີບທີ່ໝັ້ນຄົງ ແລະ ມີລາຍໄດ້ດີໃຫ້ແກ່ແຮງງານລາວໃນຂອບເຂດທົ່ວປະເທດ.

ເພື່ອຮອງຮັບການເຕີບໃຫຍ່ຂອງຕະຫຼາດແຮງງານ, ບໍລິສັດໄດ້ກຳນົດແຜນຍຸດທະສາດການຮ່ວມມືກັບທັງພາຍໃນ ແລະ ຕ່າງປະເທດ ດັ່ງນີ້:

1. ການຮ່ວມມືເພື່ອການຝຶກອົບຮົມ ແລະ ຈັດສົ່ງແຮງງານ:

ຮ່ວມມືກັບຄູ່ສັນຍາໃນຂອບເຂດທົ່ວປະເທດ ເພື່ອຈັດຝຶກອົບຮົມວິຊາຊີບຢູ່ທີ່ ສູນພັດທະນາສີມືແຮງງານ ສຸກໃຈ ໂດຍນຳໃຊ້ຫຼັກສູດທີ່ຕິດພັນກັບຄວາມຕ້ອງການຂອງພາກອຸດສາຫະກຳ ແລະ ຕະຫຼາດແຮງງານຕົວຈິງ. ຫຼັງສຳເລັດການຝຶກອົບຮົມ, ຈະມີການຈັດສົ່ງນັກຝຶກອົບຮົມໄປເຮັດວຽກຢູ່ປະເທດຄູ່ສັນຍາ ຕາມກຳນົດເວລາ ແລະ ຫຼັກສູດທີ່ໄດ້ຕົກລົງຮ່ວມກັນ.

2. ການຮ່ວມມືກັບນັກລົງທຶນຕ່າງປະເທດ

ດຶງດູດນັກລົງທຶນຕ່າງປະເທດໃຫ້ເຂົ້າມາລົງທຶນໃນພາກອຸດສາຫະກຳ ແລະ ຂະແໜງການທີ່ກ່ຽວຂ້ອງຢູ່ ສປປ ລາວ ໂດຍໃຫ້ ສູນພັດທະນາສີມືແຮງງານ ສຸກໃຈ ເປັນຈຸດເລີ່ມຕົ້ນຂອງການສ້າງລະບົບພັດທະນາສີມືແຮງງານ ທີ່ເຊື່ອມໂຍງກັບພາກອຸດສາຫະກຳໂດຍກົງ ຄວບຄູ່ໄປກັບການພັດທະນາຊັບພະຍາກອນມະນຸດ.

ໃນປັດຈຸບັນ, ບັນຫາໃຫຍ່ຄືນັກສຶກສາທີ່ຮຽນຈົບຈຳນວນຫຼວງຫຼາຍຍັງຂາດທັກສະຕົວຈິງ ເຮັດໃຫ້ນາຍຈ້າງຕ້ອງເສຍເວລາ ແລະ ຄ່າໃຊ້ຈ່າຍໃນການຝຶກອົບຮົມໃໝ່, ສົ່ງຜົນໃຫ້ເກີດບັນຫາວ່າງງານ ຫຼື ເຮັດວຽກຕໍ່າກວ່າມາດຕະຖານ.

ເປົ້າໝາຍຂອງສູນພັດທະນາສີມືແຮງງານ ສຸກໃຈ ຄື: “ເຊື່ອມໂຍງພາກການຝຶກອົບຮົມ ເຂົ້າກັບພາກອຸດສາຫະກຳໃນທຸກໆດ້ານ ໂດຍໃຫ້ນັກຝຶກອົບຮົມໄດ້ຮຽນຮູ້ ແລະ ສ້າງປະສົບການຈາກການປະຕິບັດຕົວຈິງ ພ້ອມກ້າວເຂົ້າສູ່ຕະຫຼາດແຮງງານໄດ້ທັນທີຫຼັງສຳເລັດການຝຶກອົບຮົມ”

1. ສ້າງປະສົບການຈາກການປະຕິບັດຕົວຈິງ: ຜູ້ຮຽນຈະໄດ້ຮຽນທັງທິດສະດີ ແລະ ລົງມືເຮັດຕົວຈິງ, ເຂົ້າໃຈເຕັກໂນໂລຊີ, ຂະບວນການຜະລິດ ແລະ ວັດທະນະທຳການເຮັດວຽກຕັ້ງແຕ່ຍັງສຶກສາຢູ່ ໂດຍບໍ່ຕ້ອງເລີ່ມຕົ້ນຮຽນຮູ້ໃໝ່ທັງໝົດເມື່ອເຂົ້າເຮັດວຽກ.

2. ການຍົກລະດັບທັກສະຄູຝຶກ: ຖືເປັນປັດໄຈສຳຄັນໃນການຖ່າຍທອດຄວາມຮູ້ ຄູຝຶກຈະໄດ້ເຂົ້າເຖິງການອົບຮົມ ແລະ ເຕັກໂນໂລຊີສະໄໝໃໝ່ຢ່າງຕໍ່ເນື່ອງ ເພື່ອຍົກລະດັບການສອນໃຫ້ມີຄຸນນະພາບສູງສຸດ.

ເປົ້າໝາຍໃນການສ້າງຮາກຖານສິ່ງເຫຼົ່ານີ້ ຈະຊ່ວຍໃຫ້ແຮງງານລາວມີສີມືພຽງພໍໃນຮອງຮັບຕໍ່ການຂະຫຍາຍຕົວຂອງພາກອຸດສາຫະກຳ, ຊ່ວຍລັດຖະບານໃນການພັດທະນາເສດຖະກິດທີ່ເນັ້ນການສ້າງຄົນ ແລະ ສ້າງໂອກາດໃຫ້ເຍົາວະຊົນລາວມີວຽກເຮັດງານທຳທີ່ມີລາຍໄດ້ດີຢ່າງຍືນຍົງ.

ສູນພັດທະນາສີມືແຮງງານ ສຸກໃຈ ມຸ່ງໝັ້ນຍົກລະດັບທັກສະ ແລະ ພັດທະນາສີມືແຮງງານລາວ ສູ່ມາດຕະຖານອຸດສາຫະກຳສະໄໝໃໝ່ໃນລະດັບສາກົນ.

ມື້ເຮັດວຽກ: ວັນຈັນ-ວັນສຸກ (ພັກວັນເສົາ-ອາທິດ ແລະ ວັນພັກລັດຖະການ)
ເວລາເຮັດວຽກ 08:00 – 17:00 ໂມງ
ເບີໂທ: 020 5704 9666