ພາຍໃຕ້ຄຳຂວັນ: ພັດທະນາຍືນຍົງ ຄຽງຄູ່ສັງຄົມລາວ ! ປະກອບດ້ວຍບໍລິສັດຕ່າງໆດັ່ງຕໍ່ໄປນີ້:

1) ບໍລິສັດ ສຸກໃຈ ບໍລິການຈັດຫາງານ ຈຳກັດຜູ້ດຽວ;
2) ບໍລິສັດ ສຸກໃຈ ພັດທະນາກະສິກຳ ແລະ ການຄ້າ ຈຳກັດຜູ້ດຽວ;
3) ສູນພັດທະນາສີມືແຮງງານ ສຸກໃຈ ຈຳກັດຜູ້ດຽວ;
4) ສູນສົ່ງເສີມການສຶກສາ ສຸກໃຈ ຈຳກັດຜູ້ດຽວ;
5) ສະຖາບັນການເງິນຈຸລະພາກທີ່ບໍ່ຮັບເງິນຝາກ ສຸກໃຈ ຈຳກັດຜູ້ດຽວ;
6) ບໍລິສັດ ສຸກໃຈ ອະສັງຫາລິມະຊັບ ຈໍາກັດຜູ້ດຽວ;
7) ບໍລິສັດ ນ້ຳດື່ມ ສຸກໃຈ ຈໍາກັດຜູ້ດຽວ.

ແຜນໃນຕໍ່ໜ້າ:

1) ຍົກສູງຄວາມເປັນຜູ້ນໍາ ເປັນຫົວໜ່ວຍທຸລະກິດທີ່ນຳໜ້າ ທາງດ້ານບໍລິການກ່ຽວກັບການຈັດຫາງານ, ການພັດທະນາຊັບພະຍາກອນມະນຸດ ໂດຍການສົ່ງເສີມການຮ່ວມມືຢ່າງໃກ້ຊິດ ກັບພາກລັດ, ພາກເອກະຊົນລາວ ແລະ ຮ່ວມມືກັບນັກລົງທຶນຕ່າງປະເທດ ເພື່ອການຮ່ວມມື ທີ່ຕ່າງຝ່າຍຕ່າງມີຜົນປະໂຫຍດ ສາມາດລົງທຶນໃສ່ການພັດທະນາສີມືແຮງງານ, ການຝຶກງານ ການທົດສອບສີມືແຮງງານ ແລະ ການຈັດຫາວຽກເຮັດງານທຳ;

2) ກຸ່ມບໍລິສັດ ສຸກໃຈ ສ້າງຍຸດທະສາດຫັນເປັນດິຈິຕອນ ແລະ ການພັດທະນາລະບົບການບໍລິການດ້ວຍເອເລັກໂຕຣນິກ ເພາະວ່າການປ່ຽນແປງໃໝ່ໃນໂລກ ມັນໄດ້ກາຍເປັນຄວາມຈຳເປັນຂອງບໍລິສັດພວກເຮົາ ຕ້ອງໄດ້ປັບໂຕເອງ ແລະ ຫັນເປັນດິຈິຕອນ ເພື່ອໃຫ້ທັນກັບການປ່ຽນແປງໃຫມ່ຂອງໂລກ ແລະ ເຫັນໂອກາດໃນການນຳໃຊ້ ດິຈິຕອນ ເພື່ອສ້າງທຸລະກິດໃໝ່ ດ້ວຍການສ້າງທາງເລືອກໃຫ້ຜູ້ມາໃຊ້ບໍລິການໃຫ້ມີຫຼາຍຊ່ອງທາງ ເພື່ອສົ່ງເສີມການບໍລິການຈັດຫາງານໃຫ້ສອດຄ່ອງ, ສະໜອງແຮງງານທີ່ມີຄຸນນະພາບ; ສ້າງລະບົບຂໍ້ມູນຂ່າວສານຕະຫລາດແຮງງານເປັນໃຈກາງຂັບເຄື່ອນຢ່າງມີວິທະຍາສາດ, ສົ່ງເສີມການປະກອບອາຊີບໃຫ້ແຮງງານພາຍໃນ ແລະ ແຮງງານທີ່ກັບຄືນມາຈາກຕ່າງປະເທດເມື່ອສີ້ນສຸດສັນຍາ ໂດຍນຳໃຊ້ລະບົບການບໍລິການຜ່ານທາງເວັບໄຊ ແລະ ຜ່ານທາງ ແອັບສຸກໃຈ (Soukchay Application)

3) ສ້າງ ແລະ ນໍາພາບໍລິສັດ ເຂົ້າສູ່ລະບົບ ISO 9001 ໃນບໍ່ຊ້ານີ໊. ພວກເຮົາສ້າງແຜນພັດທະນາຊັບພະຍາກອນມະນຸດ ສ້າງກຳລັງແຮງງານລາວ ເພື່ອຮອງຮັບການປ່ຽນແປງອາຊີບທີ່ເກີດໃໝ່ ເຊິ່ງເປັນສິ່ງທ້າທາຍ ຢູ່ ສປປ ລາວ ທີ່ພວກເຮົາຍັງຕ້ອງໄດ້ປະເຊີນໃນອະນາຄົດໃກ້ນີ້;

ໂດຍອີງໃສ່ແຜນພັດທະນາ ເສດຖະກິດດິຈິຕອນແຫ່ງຊາດ ທີ່ຊຸກຍູ້ໃຫ້ພາກທຸລະກິດຂອງປະເທດຫັນເປັນດີຈີຕອນ; ບໍລິສັດພວກເຮົາ ຍິ່ງມີຄວາມຈຳເປັນຈະຕ້ອງອໍານວຍຄວາມສະດວກ ໃຫ້ກັບລູກຄ້າ ຫລື ແຮງງານທີ່ມາໃຊ້ບໍລິການ ສາມາດໃຊ້ບໍລິການຜ່ານ ເວັບໄຊ ຫຼື ແອັບພລິເຄຊັນເທິງມືຖືໃຫ້ໄດ້ ແຮງງານທຸກຄົນສາມາດເຂົ້າເຖິງການຈັດຫາງານຜ່ານມືຖື ດ້ວຍດ້ວຍລະບົບດີຈີຕອນ; ການຊຳລະຄ່າບໍລິການ ຕ້ອງຜ່ານການຊຳລະແບບເອເລັກໂຕຣນິກ.

ດັ່ງນັ້ນ ບໍລິສັດພວກເຮົາ ຈຶ່ງໄດ້ສ້າງວິໄສທັດ ພັດທະນາການບໍລິການຜ່ານລະບົບດິຈິຕອນ ພາຍໃຕ້ຄໍາຂວັນ “ນຳໃຊ້ເຕັກໂນໂລຊີດິຈິຕອນ ເປັນເຄື່ອງມືສຳຄັນໃນການຂັບເຄື່ອນທຸກຂະແໜງການຂອງບໍລິສັດ ເຮັດໃຫ້ການບໍລິການຮັບໃຊ້ສັງຄົມ ມີການຂະຫຍາຍຕົວ ຢ່າງເຂັ້ມແຂງ, ໜັກແໜ້ນ ໝັ້ນທ່ຽງ ແລະ ຍືນຍົງ”