ກ່ຽວກັບກຸາມບໍລິສັດ ສຸກໃຈ

SOUKCHAY.com

“ສຸກໃຈ ເມື່ອໄປກັບເຮົາ”

ກ່ຽວກັບກຸາມບໍລິສັດ ສຸກໃຈ

ກຸ່ມບໍລິສັດສຸກໃຈ ເກີດຂຶ້ນໄດ້ ດ້ວຍການກຳນົດເປົ້າໝາຍທີ່ຊັດເຈນ ມີວິໃສທັດ ແລະ ດ້ວຍຫົວໃຈທີ່ປ່ຽມລົ້ນໄປດ້ວຍຄວາມມຸ່ງໝັ້ນ ທີ່ຢາກສ້າງໂອກາດໃຫ້ແຮງງານລາວທຸກຄົນໄດ້ມີວຽກເຮັດງານທຳ ມີສີມືແຮງງານທີ່ໄດ້ມາດຕະຖານ ມີທາງເລືອກໃນການເຂົ້າເຖິງອາຊີບທີ່ໝັ້ນຄົງ ມີຄຸນນະພາບຊີວິດການເປັນຢູ່ທີ່ດີຂຶ້ນ; ດ້ວຍຍຸດທະສາດທີ່ວ່າ: “ພັດທະນາຄົນ ພັດທະນາຊາດ” ພວກເຮົາຈຶ່ງໄດ້ພັດທະນາ ແລະ ສ້າງຕົນເອງ ຈາກບໍລິສັດຈັດຫາງານໃນເມື່ອກ່ອນ ໄດ້ກາຍເປັນ “ກຸ່ມບໍລິສັດສຸກໃຈ” ທີ່ເຂັ້ມແຂງໃນປັດຈຸບັນ.

ຄຳວ່າ: ສຸກໃຈ ແມ່ນຄວາມສຸກ ຄວາມພາກພູມໃຈຂອງພວກເຮົາ ທີ່ລວມພະລັງໃຫ້ເປັນໜຶ່ງດຽວ ນັ້ນກໍຄື “ກຸ່ມບໍລິສັດສຸກໃຈ”

ພາຍໃຕ້ຄຳຂວັນ: ສຸກໃຈ ເມື່ອໄປກັບເຮົາ ! ປະກອບບໍລິສັດຕ່າງໆດັ່ງຕໍ່ໄປນີ້:

1) ບໍລິສັດສຸກໃຈ ບໍລິການຈັດຫາງານ ຈຳກັດຜູ້ດຽວ;
2) ບໍລິສັດ ສຸກໃຈພັດທະນາກະສິກຳ ແລະ ການຄ້າ;
3) ສູນພັດທະນາສີມືແຮງງານ ສຸກໃຈ;
4) ສູນສົ່ງເສີມການສຶກສາ ແລະ ພັດທະນາອາຊີບ ສຸກໃຈ;
5) ສະຖາບັນການເງິນຈຸລະພາກທີ່ບໍ່ຮັບເງິນຝາກ ສຸກໃຈ.
6) ບໍລິສັດ ສຸກໃຈ ອະສັງຫາລິມະຊັບ ຈໍາກັດຜູ້ດຽວ.
7) ບໍລິສັດ ນ້ຳດື່ມ ສຸກໃຈ ຈໍາກັດຜູ້ດຽວ.

ແຜນໃນຕໍ່ໜ້າ:

1) ຍົກສູງຄວາມເປັນຜູ້ນໍາ ເປັນຫົວໜ່ວຍທຸລະກິດທີ່ນຳໜ້າ ທາງດ້ານບໍລິການ ກ່ຽວກັບການຈັດຫາງານ, ການພັດທະນາຊັບພະຍາກອນມະນຸດ ໂດຍການສົ່ງເສີມການຮ່ວມມືຢ່າງໃກ້ຊິດ ກັບພາກລັດ, ພາກເອກະຊົນລາວ ແລະ ຮ່ວມມືກັບນັກລົງທຶນຕ່າງປະເທດ ເພື່ອການຮ່ວມມື ຕ່າງຝ່າຍຕ່າງມີຜົນປະໂຫຍດ ສາມາດລົງທຶນໃສ່ການພັດທະນາສີມືແຮງງານ, ການຝຶກງານ ການທົດສອບສີມືແຮງງານ ແລະ ການຈັດຫາວຽກເຮັດງານທຳ;

2) ກຸ່ມບໍລິສັດສຸກໃຈ ສ້າງຍຸດທະສາດຫັນເປັນດິຈິຕອນ ແລະ ການພັດທະນາລະບົບການບໍລິການດ້ວຍເອເລັກໂຕຣນິກ ເພາະວ່າ ການປ່ຽນແປງໃໜ່ໃນໂລກ ມັນໄດ້ກາຍເປັນຄວາມຈຳເປັນຂອງບໍລິສັດພວກເຮົາ ຕ້ອງໄດ້ປັບໂຕເອງ ແລະ ຫັນເປັນດິຈິຕອນ ເພື່ອໃຫ້ທັນກັບການປ່ຽນແປງໃຫມ່ຂອງໂລກ ແລະ ເຫັນໂອກາດໃນການນຳໃຊ້ ດິຈິຕອນ ເພື່ອສ້າງທຸລະກິດໃໝ່ ດ້ວຍການສ້າງທາງເລືອກໃຫ້ຜູ້ມາໃຊ້ບໍລິການໃຫ້ມີຫຼາຍຊ່ອງທາງ ເພື່ອສົ່ງເສີມການບໍລິການຈັດຫາງານໃຫ້ສອດຄ່ອງ, ສະໜອງແຮງງານທີ່ມີຄຸນນະພາບ; ສ້າງລະບົບຂໍ້ມູນຂ່າວສານຕະຫລາດແຮງງານເປັນໃຈກາງຂັບເຄື່ອນຢ່າງມີວິທະຍາສາດ, ສົ່ງເສີມການປະກອບອາຊີບໃຫ້ແຮງງານພາຍໃນ ແລະ ແຮງງານທີ່ກັບຄືນມາຈາກຕ່າງປະເທດເມື່ອສີ້ນສຸດສັນຍາ ໂດຍນຳໃຊ້ລະບົບການບໍລິການຜ່ານທາງເວບໄຊ, ຜ່ານທາງ ແອັບສຸກໃຈ (Application)

3) ສ້າງ ແລະ ນໍາພາບໍລິສັດ ເຂົ້າສູ່ລະບົບ ISO 9001 ໃນບໍ່ຊ້ານີ໊. ພວກເຮົາສ້າງແຜນພັດທະນາຊັບພະຍາກອນມະນຸດ ສ້າງກຳລັງແຮງງານລາວ ເພື່ອຮອງຮັບການປ່ຽນແປງອາຊີບທີ່ເກີດໃໝ່ ຊຶ່ງເປັນສິ່ງທ້າທາຍ ຢູ່ ສປປ ລາວ ທີ່ພວກເຮົາຍັງຕ້ອງໄດ້ປະເຊີນໃນອານາຄົດໃກ້ນີ້;

ໂດຍອີງໃສ່ແຜນພັດທະນາ ເສດຖະກິດດິຈິຕອນແຫ່ງຊາດ ທີ່ຊຸກຍູ້ໃຫ້ພາກທຸລະກິດຂອງປະເທດຫັນເປັນດີຈີຕອນ; ບໍລິສັດພວກເຮົາ ຍິ່ງມີຄວາມຈຳເປັນຈະຕ້ອງອໍານວຍຄວາມສະດວກ ໃຫ້ກັບລູກຄ້າ ຫລື ແຮງງານທີ່ມາໃຊ້ບໍລິການ ສາມາດໃຊ້ບໍລິການຜ່ານ ເວັບໄຊ ຫຼື ແອັບພລິເຄຊັນເທິງມືຖືໃຫ້ໄດ້ ແຮງງານທຸກຄົນສາມາດເຂົ້າເຖິງການຈັດຫາງານຜ່ານມືຖື ດ້ວຍດ້ວຍລະບົບດີຈີຕອນ; ການຊຳລະຄ່າບໍລິການ ຕ້ອງຜ່ານການຊຳລະແບບເອເລັກໂຕຣນິກ.

ດັ່ງນັ້ນ ບໍລິສັດພວກເຮົາ ຈຶ່ງໄດ້ສ້າງວິໄສທັດ ພັດທະນາການບໍລິການຜ່ານລະບົບດິຈິຕອນ ພາຍໃຕ້ຄໍາຂວັນ “ນຳໃຊ້ເຕັກໂນໂລຊີດິຈິຕອນ ເປັນເຄື່ອງມືສຳຄັນໃນການຂັບເຄື່ອນທຸກຂະແໜງການຂອງບໍລິສັດ ເຮັດໃຫ້ການບໍລິການຮັບໃຊ້ສັງຄົມ ມີການຂະຫຍາຍຕົວ ຢ່າງເຂັ້ມແຂງ, ໜັກແໜ້ນ ໝັ້ນທ່ຽງ ແລະ ຍືນຍົງ”

ກຸ່ມບໍລິສັດ ສຸກໃຈ

ກຸ່ມບໍລິສັດ ສຸກໃຈ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .