ບໍລິສັດ ສຸກໃຈ ພັດທະນາກະສິກໍາ ແລະ ການຄ້າ ຈໍາກັດຜູ້ດຽວ ແມ່ນໜຶ່ງໃນທຸລະກິດພາຍໃຕ້ ກຸ່ມບໍລິສັດ ສຸກໃຈ ທີ່ໄດ້ຮັບການສ້າງຕັ້ງຂຶ້ນໃນປີ 2020 ຕາມນະໂຍບາຍການສົ່ງເສີມຜະລິດຕະພັນພາຍໃນຂອງລັດຖະບານວາງອອກ ເຊີ່ງໄດ້ບຸກເບີກທາງດ້ານດ້ານກະສິກຳ ແລະ ການຄ້າ, ສ້າງຟາມລ້ຽງໝູ ແລະ ປູກມັນຕົ້ນ ເພື່ອເປັນໜື່ງກຳລັງສຳຄັນໃນການພັດທະນາເສດຖະກິດພື້ນຖານຂອງຊາດ. ພາລະກິດຫຼັກຂອງພວກເຮົາຄື ການຍົກລະດັບຂະແໜງການກະສິກຳ ແລະ ການຄ້າຂອງຄົນລາວໃຫ້ກ້າວສູ່ລະດັບຄົບວົງຈອນຄວບຄູ່ໄປກັບການເປັນສູນກາງໃນການຈັດຫາງານ ແນໃສ່ຫຼຸດຜ່ອນອັດຕາການວ່າງງານ ແລະ ສ້າງລາຍຮັບທີ່ໝັ້ນຄົງໃຫ້ແກ່ປະຊາຊົນລາວ.

ພວກເຮົາໄດ້ວາງແຜນຍຸດທະສາດໃນການສ້າງ "ສູນພັດທະນາກະສິກຳຄົບວົງຈອນ" ຂອງກຸ່ມບໍລິສັດສຸກໃຈຂຶ້ນມາ ເພື່ອນຳໃຊ້ທີ່ດິນທີ່ມີຢູ່ໃຫ້ເກີດຜົນປະໂຫຍດສູງສຸດ ໂຄງການນີ້ຈະນຳໃຊ້ແຮງງານລາວທີ່ເດີນທາງກັບມາຈາກການເຮັດວຽກຕາມລະດູການ ຢູ່ ສ.ເກົາຫຼີ ເປັນກຳລັງຫຼັກ ໂດຍການນຳເອົາຄວາມຮູ້, ເຕັກນິກ ແລະ ປະສົບການດ້ານກະສິກຳທີ່ທັນສະໄໝຈາກຕ່າງປະເທດ ມາໝູນໃຊ້ ແລະ ພັດທະນາໂຄງການຕົວຈິງ.

ພວກເຮົາມຸ່ງເນັ້ນການຜະລິດ ແລະ ແປຮູບຜະລິດຕະພັນກະສິກຳທີ່ມີຄຸນນະພາບສູງ ບໍ່ພຽງແຕ່ເພື່ອສະໜອງ ແລະ ຮັບໃຊ້ຕະຫຼາດພາຍໃນປະເທດເທົ່ານັ້ນ ແຕ່ຍັງມີເປົ້າໝາຍຫຼັກໃນການສົ່ງອອກຜະລິດຕະພັນກະສິກຳລາວໄປສູ່ຕະຫຼາດສາກົນອີກດ້ວຍ.

ອີກໜື່ງເປົ້າໝາຍທີ່ສໍາຄັນຄືການສ້າງໂອກາດຄັ້ງໃໝ່ໃຫ້ແກ່ແຮງງານທີ່ສິ້ນສຸດສັນຍາຈ້າງຈາກ ສ.ເກົາຫຼີ, ຍີ່ປຸ່ນ ແລະ ປະເທດໄທ ໂດຍສະເພາະຜູ້ທີ່ມີອາຍຸເກີນມາດຖານທີ່ບໍ່ສາມາດເດີນທາງໄປເຮັດວຽກຢູ່ຕ່າງປະເທດໄດ້ອີກ ໃຫ້ສາມາດເຂົ້າສູ່ຕຳແໜ່ງງານທີ່ເໝາະສົມໃນອົງກອນ ຫຼື ໂຮງງານພາຍໃນລາວ ຕາມຄວາມຮ່ວມມືກັບພາກສ່ວນຕ່າງໆ.

ມື້ເຮັດວຽກ: ວັນຈັນ-ວັນສຸກ (ພັກວັນເສົາ-ອາທິດ ແລະ ວັນພັກລັດຖະການ)
ເວລາເຮັດວຽກ 08:00 – 17:00 ໂມງ
ເບີໂທ: 020 5704 9666