1. ກຸ່ມບໍລິສັດ ສຸກໃຈ ພວກເຮົາຍຶດໝັ້ນໃນການດໍາເນີນທຸລະກິດດ້ວຍຄວາມຊື່ສັດສຸດຈະລິດ ແລະ ໂປ່ງໃສ 100% ໃນທຸກໆຂະບວນການເຮັດວຽກ ພວກເຮົາບໍ່ຍອມຮັບການທຸຈະລິດ-ຕິດສິນບົນໃນທຸກຮູບແບບ ເພື່ອປົກປ້ອງຜົນປະໂຫຍດ ແລະ ຊື່ສຽງຂອງຂອງອົງກອນ ລວມເຖິງລູກຄ້າທີ່ມາໃຊ້ບໍລິການ.

2. ພວກເຮົາມີຄວາມຕັ້ງໃຈໃນການເປີດເຜີຍຂໍ້ມູນຂ່າວສານ, ຂັ້ນຕອນການດຳເນີນງານ ແລະ ຜົນການດຳເນີນງານທາງທຸລະກິດຢ່າງຊື່ຕົງ, ຖືກຕ້ອງ ແລະ ທັນເວລາ ຕໍ່ທັງພະນັກງານພາຍໃນ, ລູກຄ້າ, ຄູ່ຄ້າ ແລະ ຜູ້ມີສ່ວນຮ່ວມທຸກຝ່າຍ.

3. ອົງກອນຂອງພວກເຮົາມີການວາງລະບົບການບໍລິຫານຈັດການ ທີ່ມີໂຄງສ້າງຊັດເຈນ, ສາມາດກວດສອບຍ້ອນຫຼັງໄດ້ໃນທຸກຂັ້ນຕອນ ບໍ່ວ່າຈະເປັນດ້ານການບໍລິຫານ, ການຈັດຊື້-ຈັດຈ້າງ ຫຼື ການບໍລິການ ເພື່ອປ້ອງກັນຜົນປະໂຫຍດທັບຊ້ອນ ແລະ ສ້າງຮາກຖານແຫ່ງຄວາມໄວ້ວາງໃຈ ທີ່ຍືນຍົງຮ່ວມກັນ.

4. ຫາກມີຫຼັກຖານຈະແຈ້ງວ່າ ພະນັກງານຜູ້ໃດພາຍໃນອົງກອນປະຕິບັດວຽກງານດ້ວຍຄວາມບໍ່ໂປ່ງໃສ, ຮັບສິນບົນ, ປອມແປງເອກະສານ ຫຼື ນຳໃຊ້ຊັບສິນຂອງບໍລິສັດໄປສະແຫວງຫາຜົນປະໂຫຍດສ່ວນຕົວ ຫຼື ເຄື່ອນໄຫວໃນສິ່ງທີ່ບໍ່ຖືກຕ້ອງ ທີ່ກໍ່ໃຫ້ເກີດຄວາມເສຍຫາຍແກ່ອົງກອນ, ແກ່ລູກຄ້າຜູ້ມາໃຊ້ບໍລິການ, ຄູ່ຮ່ວມທຸລະກິດ ຫຼື ຜິດຕໍ່ລະບຽບກົດໝາຍ ບໍລິສັດຈະດຳເນີນການຍົກເລີກສັນຍາຈ້າງ ແລະ ໃຫ້ພົ້ນສະພາບການເປັນພະນັກງານທັນທີ ພ້ອມທັງດຳເນີນຄະດີທາງກົດໝາຍ.

5. ພວກເຮົາຈະສ້າງວັດທະນາທຳການເຮັດວຽກທີ່ໂປ່ງໃສ, ບໍລິການດ້ວຍຄວາມຈິງໃຈ ແລະ ເປັນທຳທີ່ສຸດ ເພື່ອສ້າງການເຕີບໂຕຮ່ວມກັນຢ່າງຍືນຍົງ ລະຫວ່າງ ຄູ່ຮ່ວມງານ, ແຮງງານ ແລະ ພະນັກງານທຸກຄົນພາຍໃນອົງກອນ.