ໃຫ້ທ່ານໄປລົງທະບຽນທີ່ຫ້ອງການແຮງງານເມືອງທີ່ຕົນອາໃສຢູ່ແລ້ວລໍຖ້າບໍລິສັດລົງໄປສຳພາດ ຫຼື ຖ້າສະດວກເຂົ້າມາສຳພາດຢູ່ສຳນັກງານໃຫຍ່ຂອງພວກເຮົາໄດ້ເລີຍ . ຖ້າບໍສະດວກເດີນທາງເຂົ້າມາ ທ່ານສາມາດສະຫມັກຜ່ານທາງແບບຟອມອອຍລາຍຂອງພວກເຮົາໄດ້.
ລີ້ງສະຫມັກອອນລາຍ: https://www.soukchay.com/kr-link/south-korea

ຄ່າທຳນຽມກຳຫນົດຕາມລະບຽບຂອງ ກົມການຈັດຫາງານ ກະຊວງ ແຮງງານ ແລະ ສະຫວັດດີການສັງຄົມ 2,200 ໂດລາ ສຳລັບແຮງງານໄຫມ່ ແລະ 1,975ໂດລາ(ສຳລັບແຮງງານກັບໄປນາຍຈ້າງເກົ່າ) ເຊີ່ງໃນລາຄານີ້ລວມຄ່າໃຊ້ຈ່າຍທີ່ຈຳເປັນເຊັ່ນ: ຄ່າກວດສຸຂະພາບ, ຄ່າປີ້ຍົນຂາໄປ, ຄ່າວີຊ້າ, ຄ່າໃບອະນຸຍາດຈັດສົ່ງໄປເຮັດວຽກຢູ່ຕ່າງປະເທດ, ຄ່າຝຶກອົບຮົມກ່ອນການເດີນທາງ,ຄ່າໃຊ້ຈ່າຍປະກັນໄພຕະຫຼອດໄລຍະສັນຍາ ແລະ ຄ່າໃຊ້ຈ່າຍອື່ນໆທີ່ກ່ຽວຂ້ອງ.

1. ພາສປອດເຫຼັ້ມແທ້ ແລະ ພາສປອດເຫຼັ້ມເກົ່າ (ຖ້າມີ)
2. ກ໋ອບປີ້ພາສປອດ 3 ໃບ (ສະເພາະໜ້າທີ່ມີຂໍ້ມູນ)
3. ກ໋ອບປີ້ສຳມະໂນຄົວ ແລະ ສຳມະໂນຄົວເຫຼັ້ມເກົ່າ (ຖ້າມີ)
4. ໃບຕາດິນຂອງແທ້ ພ້ອມກ໋ອບປີ້ 1 ໃບ
5. ຮູບ 3x4 ພື້ນສີຂາວຈຳນວນ 6 ໃບ (​ຮູບຖ່າຍໃໝ່ບໍ່ເກີນ 3 ເດືອນ ບໍ່ໃຫ້ແຕ່ງຮູບ)

ທ່ານສາມາດຕິດຕາມແຜນການລົງສຳພາດຈາກເຟັສບຸກບໍລິສັດ ພວກເຮົາຈະໂພສແຈ້ງລ່ວງຫນ້າທຸກຄັ້ງກ່ອນທີ່ຈະລົງສຳພາດ.
ເຟສບຸກ: https://www.facebook.com/profile.php?id=100058823777684
ຕິກຕອກ: https://www.tiktok.com/@soukchayemployment?_r=1&_t=ZS-984fIZtcKWO

ສໍາລັບໂກຕ້າຄູ່ຜົວເມຍ ແມ່ນມີມາຕະຫຼອດ ແຕ່ໂຄຕ້າຄູ່ຜົວເມຍຈະມີຈຳນວນຈຳກັດ ໂດຍອີງຕາມໂກຕ້າຂອງແຕ່ລະເມືອງເກົາຫຼີທີ່ແຈ້ງມາ ເຊິ່ງເຮັດໃຫ້ບາງຄັ້ງການສະຫມັກໄປແບບຄູ່ຜົວເມຍຕ້ອງໄດ້ລໍຖ້າດົນກວ່າການສະຫມັກໄປແບບດ່ຽວ.

ການສະໝັກໄປເຮັດວຽກລະດູການທີ່ ສ.ເກົາຫຼີ ໄລຍະເວລາການດໍາເນີນເອກະສານໂດຍປະມານແມ່ນ 1-4 ເດືອນ ຈຶ່ງຈະໄດ້ເດີນທາງ . ຄວາມໄວ ຫຼື ຊ້າໃນການດຳເນີນເອກະສານແມ່ນຂຶ້ນກັບການປະກອບເອກະສານຂອງທ່ານ ແລະ ການດຳເນີນເອກະສານຢູ່ແຕ່ລະເມືອງຂອງ ສ.ເກົາຫຼີ.

ການສະໝັກໄປເຮັດວຽກລະດູການຢູ່ ສ.ເກົາຫຼີ ສຳລັບບໍລິສັດ ສຸກໃຈ ແມ່ນຮັບສະໝັກຜູ້ທີ່ມີອາຍຸລະຫວ່າງ 25 ຫາ 39 ປີ ເທົ່ານັ້ນ (ຕ້ອງອາຍຸ 25 ປີເຕັມ) (ອີງຕາມຄວາມຕ້ອງການຂອງນາຍຈ້າງ).ກະລຸນາກວດສອບອາຍຸຂອງຕົນກ່ອນການສະໝັກ.

ຜູ້ທີ່ມີອາຍຸຍັງບໍ່ຮອດ 25 ປີເຕັມ ຍັງບໍ່ສາມາດຍື່ນຂໍວີຊ້າໄປເຮັດວຽກລະດູການຢູ່ ສ.ເກົາຫຼີ ໄດ້ ທາງບໍລິສັດຂໍແນະນຳໃຫ້ທ່ານລໍຖ້າຈົນກວ່າອາຍຸຮອດ 25 ປີເຕັມ ຈຶ່ງດຳເນີນການສະໝັກອີກຄັ້ງ, ແຕ່ວ່າທ່ານສາມາດສະໝັກໄປເຮັດວຽກຢູ່ປະເທດໄທ ຫຼື ປະເທດຍີ່ປຸ່ນ ໄດ້ ເພາະຮັບແຕ່ອາຍຸ 18 ປີຂຶ້ນໄປ.

ບໍລິສັດ ສຸກໃຈ ບໍລິການຈັດຫາງານ ຈໍາກັດຜູ້ດຽວ ສໍານັກງານໃຫຍ່ຕັ້ງຢູ່ ບ້ານດຸງ ເມືອງໄຊເສດຖາ ນະຄອນຫຼວງວຽງຈັນ.
ທີ່ຕັ້ງ : https://maps.app.goo.gl/BUdYgzyvjxukHKKJ9 ຫຼື ຕິດຕໍ່ສອບຖາມຂໍ້ມູນເພີ່ມເຕີມໄດ້ທີ່ເບີ 020 57049666

ທາງບໍລິສັດມີ ສະຖາບັນການເງິນຈຸລະພາກ ທີ່ບໍ່ຮັບເງິນຝາກ ສຸກໃຈ ຈຳກັດຜູ້ດຽວ ຊ່ວຍອຳນວຍຄວາມສະດວກໃນການປ່ອຍເງິນກູ້ສິນເຊື່ອໃຫ້ແກ່ແຮງງານໃນອັດຕາດອກເບ້ຍທີ່ຕໍ່າ ທ່ານສາມາດສອບຖາມລາຍລະອຽດເພີ່ມເຕີມໃນຕອນມາສະໝັກໄດ້.

ຜູ້ທີ່ບໍ່ມີໃບຕາດິນຂອງຕົນເອງ ບໍ່ສາມາດສະໝັກໄປໄດ້, ແຕ່ຫາກຜູ້ທີ່ບໍ່ມີໃບຕາດິນເປັນຊື່ຂອງຕົນ ສາມາດນໍາໃຊ້ໃບຕາດິນຂອງຄອບຄົວ ຫຼື ຍາດພີ່ນ້ອງ ມາຄ້ຳປະກັນໃນການສະໝັກໄດ້.

ສຳລັບຜູ້ທີ່ສົນໃຈກູ້ຢືມເງິນເພື່ອຈ່າຍຄ່າທຳນຽມໃນການສະໝັກໄປເຮັດວຽກລະດູການຢູ່ ສ.ເກົາຫຼີ ທ່ານພຽງແຕ່ມີໃບຕາດິນເພື່ອໃຊ້ເປັນຫຼັກຊັບຄ້ຳປະກັນ ແລະ ມີຄົນຄ້ຳປະກັນ 1 ຄົນ ກໍສາມາດດຳເນີນການຂໍກູ້ຢືມໄດ້. ທ່ານສາມາດແຈ້ງພະນັກງານໃນຕອນສຳພາດໄດ້ເລີຍ.

ຂໍ້ມູນກ່ຽວກັບອັດຕາດອກເບ້ຍໃນການກູ້ຢືມ ພະນັກງານຈະແຈ້ງໃນຂັ້ນຕອນການສຳພາດ.

ທ່ານຈຳເປັນຕ້ອງດຳເນີນການເຮັດພາສປອດໃຫ້ຮຽບຮ້ອຍກ່ອນ ຈຶ່ງຈະສາມາດສະໝັກ ແລະ ສຳພາດໄດ້ ເນື່ອງຈາກພາສປອດເປັນເອກະສານສຳຄັນທີ່ຕ້ອງໃຊ້ປະກອບໃນຂັ້ນຕອນການສຳພາດ. ດັ່ງນັ້ນ, ຈຶ່ງບໍ່ສາມາດລໍຖ້າເຮັດພາຍຫຼັງສຳພາດໄດ້.

ພາສປອດຕ້ອງມີອາຍຸ 20 ເດືອນຂຶ້ນໄປ.

ສຳລັບຜູ້ທີ່ມີລາຍສັກ ຖ້າລາຍສັກຢູ່ໃນບໍລິເວນທີ່ຖືກປົກຄຸມດ້ວຍເສື້ອຜ້າ ສາມາດສະໝັກໄດ້ ແຕ່ເຖິງຢ່າງໃດກໍຕາມ ຖ້າຢູ່ໃນຈຸດທີ່ບໍ່ສາມາດປົກປິດໄດ້ ລາຍສັກນັ້ນຕ້ອງເປັນລາຍໂຕໜັງສືຂະໜາດນ້ອຍເທົ່ານັ້ນ ສຳລັບຜູ້ທີ່ບໍ່ໝັ້ນໃຈ ສາມາດສອບຖາມເພີ່ມເຕີມໃນມື້ທີ່ທ່ານມາສຳພາດ.

ໃບຕາດິນທີ່ໃຊ້ເພື່ອຄ້ຳປະກັນ ໃບຕາດິນຂອບທອງ ຕ້ອງມີເນື້ອທີ່ 300 ຕາແມັດຂຶ້ນໄປ.

ຜູ້ທີ່ສາມາດເປັນຜູ້ຄ້ຳປະກັນໄດ້ ຕ້ອງເປັນຄົນໃນຄອບຄົວ ເຊັ່ນ: ພໍ່ແມ່, ອ້າຍເອຶ້ອຍ (ຍົກເວັ້ນ ຜົວ ຫຼື ເມຍ) ທີ່ມີອາຍຸ 35-70 ປີ, ມີອາຊີບທີ່ໝັ້ນຄົງ ແລະ ຕ້ອງອາໄສຢູ່ໃນ ສປປ ລາວ ຕະຫຼອດໄລຍະທີ່ແຮງງານໄດ້ເດີນທາງໄປເຮັດວຽກຢູ່ ສ.ເກົາຫຼີ

ເນື່ອງຈາກວຽກງານກະສິກຳໃນ ສ.ເກົາຫຼີ ມີຄວາມຫຼາກຫຼາຍ ແຕ່ລະເມືອງເຮັດກະສິກຳຕ່າງກັນ ທັງກະສິກໍາຜັກ ກະສິກໍາໝາກໄມ້ ແລະ ກະສິກຳອື່ນໆ ໂດຍຂຶ້ນກັບລະດູການຂອງແຕ່ລະທ້ອງຖິ່ນ ມີທັງໃນເຮືອນຮົ່ມ ແລະ ກາງແຈ້ງ .ດັ່ງນັ້ນ ຈຶ່ງມີວຽກໃຫ້ເຮັດຕໍ່ເນື່ອງຕະຫຼອດປີ.

ຫຼັກຊັບທີ່ສາມາດໃຊ້ເພື່ອຄ້ຳປະກັນໄດ້ ໃນປັດຈຸບັນ ມີພຽງໃບຕາດິນເທົ່ານັ້ນ ທ່ານຄວນກຽມເອກະສານໃຫ້ຖືກຕ້ອງ ຄົບຖ້ວນ ກ່ອນການສະໝັກ.

ຫຼັງຈາກທ່ານຜ່ານການສຳພາດແລ້ວ ທ່ານຈະໄດ້ລໍຖ້າກວດສຸຂະພາບພາຍໃນເວລາບໍ່ເກີນ2ເດືອນ. ທ່ານຄວນກຽມຕົວໃຫ້ພ້ອມ ແລະ ປະຕິບັດຕາມຄຳແນະນຳຂອງທາງບໍລິສັດ.

ຫຼັງຈາກກວດສຸຂະພາບຜ່ານແລ້ວ ໂດຍປົກກະຕິ ທ່ານຈະໄດ້ເດີນທາງພາຍໃນ 1-4 ເດືອນ.ທາງບໍລິສັດຈະແຈ້ງວັນເດີນທາງໃຫ້ທ່ານຊາບລ່ວງໜ້າ ກ່ອນຮອດກຳນົດເດີນທາງ.

ສຳລັບແຮງງານເກົ່າທີ່ເຄີຍໄປເຮັດວຽກຢູ່ ສ.ເກົາຫຼິ ແລ້ວຕ້ອງການກັບໄປນາຍເກົ່າ ສາມາດສອບຖາມຂໍ້ມູໂດຍກົງໄດ້ທີ່ເບີ 020 5710 9666 ພະນັກງານຂອງພວກເຮົາຈະໃຫ້ຄຳແນະນຳຢ່າງລະອຽດ.

ແຮງງານເກົ່າທີ່ຕ້ອງການກັບໄປໃໝ່ ພ້ອມທັງປ່ຽນນາຍຈ້າງ ສາມາດສອບຖາມຂໍ້ມູນ ແລະ ລາຍລະອຽດເງື່ອນໄຂຕ່າງໆ ໄດ້ທີ່ 020 5710 9666 ພະນັກງານພ້ອມໃຫ້ຄຳປຶກສາ ແລະ ແນະນຳຂັ້ນຕອນການດຳເນີນຢ່າງລະອຽດ.

ຂຶ້ນກັບຄວາມຕ້ອງການຂອງນາຍຈ້າງ, ສາມາດສອບຖາມຂໍ້ມູນໄດ້ທີ່ເບີ 020 54769666

ຖ້າທ່ານຕ້ອງການປິດໜີ້ ສາມາດຕິດຕໍ່ພະນັກງານໄດ້ທີ່ລິ້ງວອສແອບ: https://wa.me/message/5ZSCFROXLKJFO1 ພະນັກງານຈະໃຫ້ຂໍ້ມູນຂັ້ນຕອນ ຍອດໜີ້ ແລະ ວິທີດຳເນີນການຊຳລະໃຫ້ທ່ານ.

ໃນກໍລະນີທີ່ທ່ານບໍ່ສາມາດເຂົ້າໃຊ້ງານແອັບຂອງທະນາຄານໄດ້ ພະນັກງານຂອງບໍລິສັດຈະສະໜອງເບີຕິດຕໍ່ທະນາຄານໂດຍກົງໃຫ້ທ່ານ ສ່ວນໃນກໍລະນີທີ່ສາມາດເຂົ້າໄດ້ ແຕ່ຍັງເຄື່ອນໄຫວບໍ່ໄດ້ ໃຫ້ທ່ານປະສານຫາພະນັກງານຂອງພວກເຮົາ ທາງບໍລິສັດຈະດຳເນີນການປະສານງານກັບທະນາຄານເພື່ອແກ້ໄຂໃຫ້.

ຖ້າກໍລະນີທີ່ບໍ່ໄດ້ຮັບເງິນເດືອນ 2 ເດືອນຕິດຕໍ່ກັນ ທ່ານສາມາດປະສານຫາພະນັກງານຂອງບໍລິສັດ ສຸກໃຈ ໄດ້ທີ່ເບີ 020 5767 9666.

ໄລຍະເວລາໃນການໂອນເງິນກັບຄືນປະເທດ ແມ່ນຂຶ້ນກັບລະບົບທີ່ທ່ານເລືອກ ຄືທະນາຄານ BNK ປະມານ 1-2 ເດືອນ, ທະນາຄານ NH E-8 ແພັກເກັດ ແມ່ນໄລຍະເວລາ 3-7 ວັນ

ເງິນຄ່າກວດສຸຂະພາບທີ່ທ່ານໄດ້ສຳຮອງຊຳລະລ່ວງໜ້ານັ້ນ ທ່ານຈະໄດ້ຮັບຄືນຫຼັງຈາກເດີນທາງຮອດ ສ.ເກົາຫຼີ ພາຍໃນ 1-3 ວັນ(ສຳລັບແຮງງານທີ່ຈ່າຍຄ່າທຳນຽມເອງ), ສ່ວນແຮງງານທີ່ກູ້ຢືມ ແມ່ນທາງບໍລິສັດຈະໂອນພ້ອມຍອດປ່ອຍກູ້ ພາຍໃນ1-3ວັນ ຫຼັງເດີນທາງຮອດ ສ ເກົາຫຼີ.

ຄ່າໃຊ້ຈ່າຍປະກັນໄພທີ່ທ່ານຊຳລະໄປນັ້ນ ຈະໄດ້ຖືກທົດແທນຄືນພາຍຫຼັງທີ່ໄດ້ຮັບເອກະສານຄົບຖ້ວນຕາມເງື່ອນໄຂ ໃນໄລຍະ 2-3 ອາທິດ.

ປະກັນໄພໃຫ້ການຄຸ້ມຄອງ ໃນກໍລະນີທີ່ທ່ານເກີດອຸບັດຕິເຫດໃນລະຫວ່າງການເຮັດວຽກ ແລະ ຕ້ອງການເຂົ້ານອນຮັກສາຢູ່ໂຮງໝໍໃນ ສ.ເກົາຫຼີ ທຸກກໍລະນີ ແຕ່ປະກັນໄພດັ່ງກ່າວ ບໍ່ສາມາດໃຊ້ສຳລັບການຊື້ຢາຈາກຮ້ານຢາທົ່ວໄປໄດ້.

ທ່ານຈະເດີນທາງກັບຄືນ ສປປ ລາວ ເມື່ອຢູ່ຄົບກຳນົດຕາມສັນຍາ ໃນໄລຍະ 5 ຫາ 8ເດືອນ ຂື້ນກັບນາຍຈ້າງແຕ່ລະຟາມເປັນຜູ້ກຳຫນົດ.

ໃນກໍລະນີທີ່ທ່ານເດີນທາງໄປຮອດ ແຕ່ບໍ່ມີວຽກໃຫ້ເຮັດ ໃຫ້ຮີບຕິດຕໍ່ປະສານຫາພວກເຮົາເພື່ອປະສານກັບທາງເມືອງ ສ.ເກົາຫຼີ ເລັ່ງແກ້ໄຂຊ່ວຍ. ສອບຖາມລາຍລະອຽດເພີ່ມເຕີມໄດ້ທີ່ 020 5767 9666 ແລະ 020 5643 9666.

ການຍ້າຍຟາມສາມາດດຳເນີນໄດ້ ຂຶ້ນກັບເງື່ອນໄຂ ແລະ ກໍລະນີ ເຖິງຢ່າງໃດກໍຕາມຂັ້ນຕອນດັ່ງກ່າວ ໃຊ້ເວລາ ແລະ ຕ້ອງດຳເນີນເອກະສານໃໝ່ທັງໝົດ ທ່ານຄວນຕິດຕໍ່ຫາບໍລິສັດ ກ່ອນດຳເນີນການໃດໆ ເພື່ອຮັບຄຳແນະນຳທີ່ຖືກຕ້ອງ.

ໂດຍທົ່ວໄປ ທ່ານບໍ່ສາມາດປ່ຽນນາຍຈ້າງໄດ້ຕາມໃຈ ຍົກເວັ້ນໃນກໍລະນີທີ່ນາຍຈ້າງລະເມີດຂໍ້ກຳນົດທີ່ໄດ້ລະບຸໄວ້ໃນສັນຍາ ໃນກໍລະນີດັ່ງກ່າວ ທ່ານສາມາດຕິດຕໍ່ຫາບໍລິສັດ ເພື່ອດຳເນີນການແກ້ໄຂຕາມຂັ້ນຕອນ.

ໃນລະຫວ່າງທີ່ຢູ່ໃນຂັ້ນຕອນດຳເນີນເອກະສານ ພາສປອດຂອງທ່ານຈະຢູ່ໃນຂັ້ນຕອນການດໍາເນີນຂັ້ນຕອນຕ່າງໆ. ດັ່ງນັ້ນ ຈຶ່ງບໍ່ສາມາດຢືມໄປໃຊ້ສ່ວນຕົວໄດ້.

ຖ້າທ່ານຕ້ອງການຍົກເລີກ ຫຼັງຈາກເລີ່ມດຳເນີນເອກະສານໄປແລ້ວ ຈະມີຄ່າໃຊ້ຈ່າຍທີ່ເກີດຂຶ້ນເຊິ່ງທ່ານຕ້ອງໄດ້ຮັບຜິດຊອບທັງຫມົດ.ດັ່ງນັ້ນ ຈຶ່ງຂໍໃຫ້ທ່ານພິຈາລະນາໃຫ້ຮອບຄອບກ່ອນດໍາເນີນການຍົກເລີກ.

ຄ່າແຮງງານໃນ ສ.ເກົາຫຼີ ຄຳນວນເປັນຊົ່ວໂມງ ໃນອັດຕາ 10,320 ວອນ ຕໍ່ ຊົ່ວໂມງ(ຂື້ນກັບຄ່າແຮງງານພື້ນຖານທີ່ປະກາດໃຊ້ຢູ່ ສ.ເກົາຫຼີ ໃນແຕ່ລະໄລຍະ). ດັ່ງນັ້ນ, ລາຍຮັບທີ່ທ່ານໄດ້ຮັບ ຈຶ່ງຂຶ້ນກັບຈຳນວນຊົ່ວໂມງເຮັດວຽກຕົວຈິງ ທັງລາຍຮັບໃນໂມງເຮັດວຽກປົກກະຕິ ແລະ ໂອທີ(ເງິນເຮັດວຽກລ່ວງເວລາ).

ຄ່າທຳນຽມ 2,200 ໂດລາ ລວມມີຄ່າໃຊ້ຈ່າຍທີ່ຈຳເປັນເຊັ່ນ: ຄ່າກວດສຸຂະພາບ, ຄ່າປີ້ຍົນຂາໄປ, ຄ່າວີຊ້າ, ຄ່າໃບອະນຸຍາດຈັດສົ່ງໄປເຮັດວຽກຢູ່ຕ່າງປະເທດ, ຄ່າຝຶກອົບຮົມກ່ອນການຈັດສົ່ງ, ຄ່າປະກັນໄພ, ຄ່າໃຊ້ຈ່າຍບໍລິຫານຕິດຕາມດູແລຈົນຄົບສັນຍາ ແລະ ຄ່າໃຊ້ຈ່າຍທີ່ກ່ຽວຂ້ອງອື່ນໆ.