ສູນສົ່ງເສີມການສຶກສາ ແລະ ວິຊາຊີບ ສຸກໃຈ ເປັນອີກໜື່ງພາລະກິດທີ່ສໍາຄັນຂອງ ກຸ່ມບໍລິສັດ ສຸກໃຈ ເຄື່ອນໄຫວພາຍໃຕ້ແນວທາງນະໂຍບາຍການສົ່ງເສີມ ການຮຽນຮູ້ຕະຫຼອດຊີວິດ ຂອງພັກ ແລະ ລັດຖະບານ. ພວກເຮົາໃຫ້ຄວາມສຳຄັນກັບທຸກຂັ້ນຕອນຂອງການສຶກສາ ແລະ ການຝຶກອົບຮົມວິຊາຊີບ ນັບຕັ້ງແຕ່ການສຶກສາຂັ້ນພື້ນຖານ, ອາຊີວະສຶກສາ, ເຕັກນິກວິຊາຊີບ, ໄປຮອດການສຶກສາຊັ້ນສູງ ພ້ອມທັງການພັດທະນາທັກສະພາຍໃນອົງກອນ ເພື່ອຕອບສະໜອງຄວາມຕ້ອງການດ້ານບຸກຄະລາກອນກັບຍຸກສະໄໝທັງໃນປັດຈຸບັນ ແລະ ອະນາຄົດ.

ພື່ອກຽມຄວາມພ້ອມໃຫ້ແກ່ບຸກຄະລາກອນໃນ ສປປ ລາວ ໃນການກ້າວເຂົ້າສູ່ໂລກແຫ່ງການເຮັດວຽກທີ່ທັນສະໄໝ ແລະ ສາມາດແຂ່ງຂັນໄດ້ໃນລະດັບສາກົນ, ສູນສົ່ງເສີມການສຶກສາ ແລະ ວິຊາຊີບ ສຸກໃຈ ໄດ້ວາງແນວທາງການດຳເນີນງານທີ່ສຳຄັນ ພວກເຮົາມີການຈັດຕັ້ງສູນສອນພາສາໂດຍເນັ້ນໃສ່ການຝຶກອົບຮົມພາສາຂອງປະເທດຄູ່ຮ່ວມທຸລະກິດເຊັ່ນ: ພາສາເກົາຫຼີ, ພາສາຍີ່ປຸ່ນ, ພາສາຈີນ ແລະ ພາສາອັງກິດ ເພື່ອຫຼຸດຜ່ອນອຸປະສັກທາງດ້ານການສື່ສານ. ບຸກຄະລາກອນທີ່ສາມາດສື່ສານພາສາໄດ້ ຈະມີຂໍ້ໄດ້ປຽບ ແລະ ມີໂອກາດເຕີບໂຕໃນໜ້າທີ່ການງານສູງຫຼາຍໃນປັດຈຸບັນ.

ພວກເຮົາໄດ້ວາງແຜນຮ່ວມມືກັບຕ່າງປະເທດເພື່ອພັດທະນາຫຼັກສູດທາງດ້ານວິຊາຊີບທີ່ໄດ້ມາດຕະຖານ, ພ້ອມທັງໃຫ້ຄວາມສໍາຄັນທາງດ້ານເຄື່ອງທອຸປະກອນທີ່ນຳໃຊ້ ໂດຍສະເພາະທາງດ້ານອຸປະກອນການຮຽນ-ການສອນທີ່ທັນສະໄໝ ເພື່ອໃຫ້ຜູ້ຮຽນສາມາດເຮັດວຽກຮ່ວມກັບເຕັກໂນໂລຊີທີ່ທັນສະໄໝໄດ້ຢ່າງມີປະສິດທິພາບ.

ການຮ່ວມມືນີ້ບໍ່ພຽງແຕ່ສ້າງຫຼັກສູດຮ່ວມກັນ ແລະ ເນັ້ນການຝຶກປະຕິບັດຕົວຈິງຂອງນັກສຶກສາເທົ່ານັ້ນ ແຕ່ຍັງເນັ້ນການຍົກລະດັບຄວາມຮູ້ຄວາມສາມາດຂອງຄູສອນ ເພາະຄູຄືຜູ້ຖ່າຍທອດຄວາມຮູ້ໃຫ້ແກ່ຄົນລຸ້ນໃໝ່ ໃຫ້ກ້າວທັນເຕັກໂນໂລຊີສະໄໝໃໝ່ຢ່າງຕໍ່ເນື່ອງ. ການສົ່ງເສີມການສຶກສາຂອງພວກເຮົາ ບໍ່ໄດ້ເບີ່ງພຽງແຕ່ຜົນປະໂຫຍດທາງດ້ານທຸລະກິດ, ແຕ່ແມ່ນການລົງທຶນເພື່ອສ້າງຄວາມຮູ້ ແລະ ເພີ່ມປະສິດທິພາບທາງດ້ານຄວາມຮູ້ໃຫ້ແກ່ໄວໜຸ່ມລາວ ການທີ່ເຮົາມີພື້ນຖານບຸກຄະລາກອນທີ່ມີຄວາມຮູ້ຄວາມສາມາດ ຈະເປັນກຳລັງແຮງທີ່ສຳຄັນໃນການຂັບເຄື່ອນເສດຖະກິດຂອງປະເທດຊາດໃຫ້ສາມາດແຂ່ງຂັນໄດ້ໃນເວທີສາກົນໃນອານາຄົດ.

ສູນສົ່ງເສີມການສຶກສາ ແລະ ວິຊາຊີບ ສຸກໃຈ ມຸ່ງໝັ້ນສົ່ງເສີມ-ສ້າງຮາກຖານຄວາມຮູ້ ແລະ ທັກສະດ້ານໃນຕ່າງໆໃຫ້ແກ່ຄົນລາວໃຫ້ມີຄວາມພ້ອມໃນການກ້າວເຂົ້າສູ່ລະດັບສາກົນ.

ມື້ເຮັດວຽກ: ວັນຈັນ-ວັນສຸກ (ພັກວັນເສົາ-ອາທິດ ແລະ ວັນພັກລັດຖະການ)
ເວລາເຮັດວຽກ 08:00 – 17:00 ໂມງ
ເບີໂທ: 020 5704 9666