Thailand | SOUKCHAY.com

SOUKCHAY.com

“ພັດທະນາຍືນຍົງ ຄຽງຄູ່ສັງຄົມລາວ”

ບໍລິການຈັດຫາງານ ປະເທດໄທ

ບໍລິການຈັດຫາງານ ໄປເຮັດວຽກພາຍໃຕ້ລະບົບ MOU ຢູ່ ປະເທດໄທ ແມ່ນໂອກາດ ແລະ ທາງເລືອກທີ່ດີສໍາລັບຜູ້ທີ່ຕ້ອງການໄປເຮັດວຽກໄລຍະຍາວ 2-4 ປີ ທີ່ມີຄວາມສະດວກໃນການປັບຕົວ, ມີລາຍຮັບທີ່ໝັ້ນຄົງ ແລະ ມີຄວາມປອດໄພ ພາຍໃຕ້ລະບົບການຄຸ້ມຄອງທີ່ຖືກຕ້ອງຕາມກົດໝາຍ ໂດຍການຮ່ວມມືລະຫວ່າງລັດຖະບານຂອງສອງປະເທດ. ນອກຈາກນີ້ ທ່ານຍັງຈະໄດ້ຮັບສະຫວັດດີການທີ່ມີມາດຕະຖານ, ຄ່າແຮງງານຕາມກົດໝາຍປະເທດໄທ, ໄດ້ຮັບການປົກປ້ອງດ້ານປະກັນສັງຄົມ ແລະ ປະສົບການໃນດ້ານສາຍອາຊີບຕ່າງໆທີ່ທ່ານຈະສາມາດນຳມາໝູນໃຊ້ໃນການສ້າງທຸລະກິດຂອງຕົນເອງໃນອານາຄົດໄດ້ຢ່າງມີປະສິດທິພາບ.

✅ 1. ເປັນຫຍັງຈຶ່ງຕ້ອງເລືອກໄປເຮັດວຽກຢູ່ໄທກັບ ສຸກໃຈ

ທ່ານກຳລັງປະເຊີນກັບຄວາມກັງວົນເຫຼົ່ານີ້ຢູ່ຫຼືບໍ່?

1. ຢ້ານຖືກຕົວະ, ຢ້ານສະໝັກ ຈ່າຍເງິນແລ້ວບໍ່ໄດ້ເດີນທາງ

2. ບໍ່ຮູ້ຈະເລີ່ມຕົ້ນແນວໃດ, ຂັ້ນຕອນເອກະສານຫຍຸ້ງຍາກ, ບໍ່ຮູ້ກົດໝາຍ ແລະ ວິທີການຍື່ນສະໝັກທີ່ຖືກຕ້ອງ.

3. ກັງວົນເລື່ອງການເດີນທາງ ແລະ ການປັບຕົວ, ບໍ່ເຄີຍໄປເຮັດວຽກຢູ່ຕ່າງປະເທດ, ຢ້ານຫຼົງທາງ, ກັງວົນເລື່ອງການໃຊ້ຊີວິດ ແລະ ການເຮັດວຽກຢູ່ປະເທດໄທ.

4. ຢ້ານມີຄ່າໃຊ້ຈ່າຍບານປາຍ, ຢ້ານມີຄ່າໃຊ້ຈ່າຍແຝງ ທີ່ເພີ່ມຂຶ້ນເລື້ອຍໆ ໂດຍບໍ່ຮູ້ຕົວ.

ພວກເຮົາ ບໍລິສັດ ສຸກໃຈ ບໍລິການຈັດຫາງານ ຈໍາກັດຜູ້ດຽວ ຄືຄຳຕອບ ແລະ ທາງອອກທີ່ດີທີ່ສຸດສຳລັບທ່ານ. ພວກເຮົາພ້ອມທີ່ຈະປ່ຽນຄວາມກັງວົນຂອງທ່ານ ໃຫ້ເປັນຄວາມໝັ້ນໃຈ ດ້ວຍມາດຕະຖານການບໍລິການ ທີ່ໂປ່ງໃສ, ວ່ອງໄວ ແລະ ເປັນມືອາຊີບ:

1. ບໍລິສັດ ສຸກໃຈ ບໍລິການຈັດຫາງານ ຈໍາກັດຜູ້ດຽວ ໄດ້ຮັບອະນຸຍາດການສ້າງຕັ້ງຂຶ້ນຢ່າງຖືກຕ້ອງ ຈາກກະຊວງແຮງງານ ແລະ ສະຫວັດດີການສັງຄົມ ຈຶ່ງໝັ້ນໃຈໄດ້ວ່າ ທຸກຂັ້ນຕອນດໍາເນີນງານພາຍໃຕ້ລະບົບ MOU ທີ່ຖືກຕ້ອງຕາມກົດໝາຍຂອງທັງ ສປປ ລາວ ແລະ ກົດໝານຂອງປະເທດໄທ.

2. ພວກເຮົາຍຶດໝັ້ນໃນຄວາມໂປ່ງໃສ ທຸກຄ່າໃຊ້ຈ່າຍຈະຖືກແຈ້ງໃຫ້ຊາບລ່ວງໜ້າຢ່າງລະອຽດ ບໍ່ມີຄ່າບໍລິການແຝງອື່ນໆ ເພີ່ມຂຶ້ນຕາມພາຍຫຼັງ ເຮັດໃຫ້ທ່ານສາມາດວາງແຜນການເງິນໄດ້ກ່ອນການຍື່ນສະໝັກ.

3. ທຸກຂັ້ນຕອນການດໍາເນີນງານ ພວກເຮົາມີເອກະສານຮອງຮັບຢ່າງຖືກຕ້ອງ ແຮງງານທຸກທ່ານຈະໄດ້ຮັບສັນຍາຈ້າງງານ ທີ່ລະບຸລາຍຮັບ, ຕຳແໜ່ງງານ, ສະຫວັດດີການ ແລະ ເງື່ອນໄຂການເຮັດວຽກຢ່າງຈະແຈ້ງຈາກນາຍຈ້າງຢູ່ປະເທດໄທ.

4. ບໍລິສັດ ສຸກໃຈ ພວກເຮົາມີພະນັກງານທີ່ຈະຊ່ວຍແນະນຳທ່ານຕັ້ງແຕ່ຂັ້ນຕອນການສະໝັກ, ປະກອບເອກະສານ, ເຂົ້າສູນຝຶກອົບຮົມ, ພ້ອມທັງດູແລເລື່ອງທີ່ພັກ ແລະ ອາຫານໃນລະຫວ່າງກຽມໂຕເດີນທາງ.

5. ບໍລິສັດ ສຸກໃຈ ພວກເຮົາມີພະນັກງານທີ່ຮ່ວມເດີນທາງ ແລະ ດູແລທ່ານ ຕັ້ງແຕ່ຂັ້ນຕອນການຍື່ນສະໝັກ, ປະກອບເອກະສານ, ເຂົ້າສູນຝຶກອົບຮົມ, ພ້ອມທັງດູແລເລື່ອງທີ່ພັກ ແລະ ອາຫານໃນລະຫວ່າງກຽມໂຕເດີນທາງ. ພາເດີນທາງຂ້າມໄປຝຶກອົບຮົມເຮັດບັດແຮງງານຢູ່ໜອງຄາຍ, ໄປຮອດການປະສານງານສົ່ງມອບແຮງງານໃຫ້ກັບນາຍຈ້າງ ເພື່ອໃຫ້ໝັ້ນໃຈວ່າແຮງງານທຸກທ່ານ ຈະເດີນທາງເຖິງສະຖານທີ່ເຮັດວຽກ ແລະ ເຂົ້າເຮັດວຽກຢ່າງປອດໄພ.

ໃຫ້ທ່ານໝັ້ນໃຈໄດ້ວ່າ ຫາກທ່ານມາຮ່ວມສ້າງອະນາຄົດໄປກັບພວກເຮົາ ທ່ານຈະມີລາຍໄດ້ທີ່ໝັ້ນຄົງ ແລະ ປອດໄພ ຮັບປະກັນວ່າທ່ານຈະ ສຸກໃຈ ເມື່ອໄປກັບເຮົາ.

Facebook Page
ບໍລິສັດ ສຸກໃຈ ບໍລິການຈັດຫາງານ ຈຳກັດຜູ້ດຽວ Soukchay Employment Service Sole

✅ 2. ລາຍໄດ້ ແລະ ສະຫວັດດີການ

1. ລາຍໄດ້ ແລະ ຊົ່ວໂມງການເຮັດວຽກ

ເວລາເຮັດວຽກ: 07:00 - 19:00 ນ. (11 ຊົ່ວໂມງ/ວັນ)
ຄ່າແຮງຂັ້ນຕ່ຳ: 484ບາດ / ວັນ (ເຮັດວຽກ 26 ວັນ/ເດືອນ)
ເງິນເດືອນເລີ່ມຕົ້ນ: 12,584ບາດ / ເດືອນ (ຍັງບໍ່ລວມຄ່າໂອທີ)
ຄ່າແຮງວັນຢຸດ: 968ບາດ / ວັນ (ເຮັດວຽກ 2 ວັນຢຸດ = 1,937 ບາດ / ເດືອນ

ລາຍໄດ້ສະເລ່ຍລວມ: 14,531 ບາດ/ເດືອນ (10,000,000 ກີບ ຫຼື 450 ໂດລາ)

2. ສະຫວັດດີການ

ມີປະກັນສັງຄົມ
ມີປະກັນຊີວິດ
ເມື່ອເຮັດວຽກຄົບ 1 ປີ ໄດ້ຮັບສິດລາພັກປະຈຳປີ 6 ວັນ

✅ 3. ປະເພດວຽກທີ່ມີໃຫ້ເລືອກໃນການໄປເຮັດວຽກທີ່ປະເທດໄທ

1. ວຽກບໍລິການອະນາໄມ ແລະ ທຳຄວາມສະອາດ PCS

ໂຮງໝໍ
ໂຮງແຮມ
ໂຮງຮຽນ
ຫ້າງ

2. ປະເພດວຽກບໍລິການ

ຮ້ານອາຫານ MK Restaurant

3. ວຽກບໍລິການທຳຄວາມສະອາດຫ້າງ Roy’s Services

✅ 4. ເງື່ອນໄຂການສະໝັກໄປເຮັດວຽກຢູ່ປະເທດໄທ

ເງື່ອນໄຂການສະໝັກໄປເຮັດວຽກຢູ່ປະເທດໄທ

1. ອ່ານໄດ້ ແລະ ຂຽນເປັນ (ພາສາລາວ)
2. ບໍ່ຕິດສານເສບຕິດ, ບໍ່ມີຄະດີຕິດໂຕ
3. ອາຍຸ 18-45 ປີ (ຕ້ອງອາຍຸ 18 ປິເຕັມ)
4. ເພດຍິງ ສູງ 145cm ຂື້ນໄປ (ບໍ່ຖືພາ)
5. ເພດຊາຍ ສູງ 150cm ຂື້ນໄປ
6. ບໍ່ຕິດສານເສບຕິດ, ບໍ່ມີຄະດີຕິດໂຕ
7. ພາສປອດ ບໍ່ເປື້ອນ, ບໍ່ຂາດ (ຕ້ອງມີອາຍຸການໃຊ້ງານ ບໍ່ຫຼຸດ 3 ປີ ຕ້ອງເປັນພາສປອດທີ່ຈ້ໍາເຂົ້າ-ອອກ ປະເທດປົກກະຕິ)

ເງື່ອນໄຂການສໍາພາດ

1. ບໍ່ມີຄະດີ, ບໍ່ມີປະຫວັດເຂົ້າ-ອອກ ປະເທດໄທ ຜິດກົດໝາຍ ຫຼື ບໍ່ຖືກຈຳກັດການເດີນທາງອອກນອກປະເທດ
2. ຈົບການສຶກສາຂັ້ນປະຖົມຂື້ນໄປ
3. ບໍ່ປອມແປງເອກະສານເດີນທາງ ຫຼື ປ່ຽນແປງຂໍ້ມູນປະຈຳຕົວບ່ຽງເບນຈາກເດີມ
4. ມີໂທລະສັບ ເພື່ອໃຊ້ລົງທະບຽນແອັບທະນາຄານຢູ່ ປະເທດໄທ
5. ການດຳເນີນເອກະສານໃຊ້ເວລາປະມານ 2-3 ເດືອນ ຈຶ່ງໄດ້ເດີນທາງ
6. ບໍ່ມີພະຍາດປະຈຳຕົວ, ບໍ່ມີພະຍາດແຊກຊ້ອນ
7. ບໍ່ມີພະຍາດວັນນະໂລກ, ໂລກເອດ, ຊີຟີລິດ,

ເອກະສານທີ່ຕ້ອງຖືມາໃນມື້ສໍາພາດ

1. ພາສປອດແທ້
2. ຮູບຖ່າຍໂຕຈິງຂອງແຮງງານ ພື້ນຫຼັງສີຂາວ (ເຄິ່ງໂຕ) (ອັບເດດໃຫມ່)

✅ 5. ຂັ້ນຕອນການດໍາເນີນງານທີ່ໂປ່ງໃສ ໃນການຈັດສົ່ງແຮງງານໄປເຮັດວຽກຢູ່ປະເທດໄທ

ບໍລິສັດ ສຸກໃຈ ບໍລິການຈັດຫາງານ ຈໍາກັດ ພວກເຮົາຍຶດໝັ້ນໃນຄວາມໂປ່ງໃສ, ວ່ອງໄວ ແລະ ເປັນມືອາຊີບ ພ້ອມທີ່ຈະຮ່ວມເດີນທາງໄປກັບທ່ານຕັ້ງແຕ່ມື້ທຳອິດທີ່ຍ່າງເຂົ້າມາສະໝັກ ໄປຈົນຮອດມື້ທີ່ທ່ານປະສົບຄວາມສຳເລັດ ແລະ ເດີນທາງກັບຄືນສູ່ ສປປ ລາວ ຢ່າງມີກຽດ ແລະ ປອດໄພ ໂດຍມີຂັ້ນຕອນການດໍາເນີນທີ່ໂປ່ງໃສດັ່ງນີ້:

1. ຂັ້ນຕອນການສະໝັກ ແລະ ເລືອກໜ້າວຽກ

ຜູ້ທີ່ສົນໃຈຢາກໄປເຮັດວຽກຕາມລະບົບ MOU ທີ່ປະເທດໄທ ສາມາດເຂົ້າມາຕິດຕໍ່ສອບຖາມຂໍ້ມູນ ແລະ ຂັ້ນຕອນການສະໝັກກັບພະນັກງານຢູ່ບໍລິສັດໂດຍກົງ ຫຼື ຕິດຕໍ່ຜ່ານຊ່ອງທາງອອນລາຍ ເພື່ອຮັບຟັງການແນະນຳເງື່ອນໄຂ, ຄ່າໃຊ້ຈ່າຍ ແລະ ປະເພດວຽກຕ່າງໆ ໄດ້ຟຣີ ໂດຍບໍ່ມີຄ່າໃຊ້ຈ່າຍໃດໆທັງສິ້ນໃນຂັ້ນຕອນການສະໝັກ. ທ່ານສາມາດເລືອກໜ້າວຽກໄດ້ວ່າຕ້ອງການໄປເຮັດວຽກປະເພດໃດ ຫາກເງື່ອນໄຂຄົບຖ້ວນຕາມທີ່ທາງນາຍຈ້າງກໍານົດໄວ້ ບໍລິສັດ ຈະຈັດສົ່ງໄປໃນຂະແໜງວຽກທີ່ທ່ານໄດ້ເລືອກສະໝັກໄວ.

2. ຂັ້ນຕອນການປະກອບເອກະສານ ແລະ ດໍາເນີນການແລ່ນເອກະສານ

ບໍລິສັດ ຈະເປັນຜູ້ຮັບຜິດຊອບດຳເນີນການຈັດກຽມເອກະສານ, ຮ່າງສັນຍາຈ້າງງານ ແລະ ຍື່ນຂໍວີຊາຈາກສະຖານທູດ ພ້ອມທັງປະສານງານກັບພາກສ່ວນທີ່ກ່ຽວຂ້ອງໃນທຸກຂັ້ນຕອນ ແລະ ແຈ້ງໃຫ້ແຮງງານຮັບຊາບເຖິງການດໍາເນີນເອກະສານໃນແຕ່ລະໄລຍະ ແຮງງານທຸກທ່ານຈຶ່ງໝັ້ນໃຈໄດ້ວ່າ ຈະໄດ້ຮັບເອກະສານການໄປເຮັດວຽກທີ່ຖືກຕ້ອງ ໂດຍບໍ່ຕ້ອງໄປແລ່ນເອກະສານເອງໃຫ້ຫຍຸ້ງຍາກ ພຽງແຕ່ກຽມເອກະສານມາຕາມທີ່ບໍລິສັດໄດ້ແຈ້ງໃນເບື້ອງຕົ້ນເຊັ່ນ: ພາສປອດສະບັບແທ້ ແລະ ຮູບຖ່າຍຂອງແຮງງານ.

3. ຂັ້ນຕອນການເຂົ້າສູນຝຶກອົບຮົມກຽມຄວາມພ້ອມກ່ອນການເດີນທາງ

ແຮງງານທຸກທ່ານທີ່ມີລາຍຊື່ເດີນທາງ ຈະຕ້ອງໄດ້ເຂົ້າຝຶກອົບຮົມຢູ່ສູນຝຶກອົບຮົມຂອງບໍລິສັດກຽມໄວ້ ທີ່ມີມາດຕະຖານ ແລະ ສິ່ງອຳນວຍຄວາມສະດວກຄົບຖ້ວນ. ບໍລິສັດຈະຝຶກອົບຮົມກ່ຽວກັບວັດທະນະທຳ, ມາລະຍາດ, ຄວາມເປັນຢູ່, ໜ້າວຽກ. ນອກຈາກນັ້ນ ຍັງຝຶກອົບຮົມກ່ຽວກັບກົດໝາຍແຮງງານ, ສະຫວັດດິການ, ລວມເຖິງກົດລະບຽບ ແລະ ຂໍ້ຫ້າມຕ່າງໆ ຂອງປະເທດໄທ ທີ່ແຮງງານຈຳເປັນຕ້ອງຮັບຊາບ ແລະ ປະຕິບັດຕາມຢ່າງເຂັ້ມງວດ.
ພິເສດ ຫາກທ່ານເດີນທາງມາຈາກຕ່າງແຂວງ ເມື່ອມາຮອດຄິວລົດເມສາຍໃຕ້ ຫຼື ສະຖານີລົດໄຟ ພວກເຮົາມີບໍລິການລົດຮັບ-ສົ່ງຟຣີ ພາທ່ານເຂົ້າທີ່ພັກໃນທີ່ພັກທີ່ສະອາດ, ປອດໄພ ທີ່ບໍລິສັດຈັດຕຽມໄວ້ໃຫ້ ມີອາຫານໃຫ້ໃນລະຫວ່າງທີ່ທ່ານຝຶກອົບຮົມຢູ່ສູນ ໂດຍບໍ່ມີຄ່າໃຊ້ຈ່າຍໃດໆທັງສິ້ນ.

4. ຂັ້ນຕອນການເດີນທາງໄປສູນອົບຮົມຢູ່ຈັງຫວັດໜອງຄາຍ ປະເທດໄທ ເຮັດບັດໃຫ້ຖືກຕ້ອງຕາມກົດໝາຍ

ໃນການເດີນທາງໄປປະເທດໄທ ບໍລິສັດ ສຸກໃຈ ຂອງພວກເຮົາ ຈະມີພະນັກງານເດີນທາງຮ່ວມໄປນຳທ່ານ ເພື່ອເບິ່ງແຍງ, ແນະນໍາ, ຊ່ວຍເຫຼືອ ແລະ ອຳນວຍຄວາມສະດວກ ຈົນເດີນທາງຮອດປະເທດໄທ ພວກເຮົາຈະພາທ່ານເດີນທາງຂ້າມດ່ານເພື່ອໄປສູນອົບຮົມຢູ່ຝັ່ງໜອງຄາຍ ປະເທດໄທ ເພື່ອເຂົ້າຮ່ວມການອົບຮົມແຮງງານ ແລະ ດຳເນີນການເຮັດບັດປະຈຳໂຕແຮງງານຕ່າງດ້າວ. ໃຫ້ໝັ້ນໃຈໄດ້ເລີຍວ່າ ທ່ານໄດ້ເຮັດວຽກແບບຖືກກົດໝາຍ 100% ແລະ ຈະໄດ້ຮັບສິດການຄຸ້ມຄອງຕາມກົດໝາຍ.

5. ຂັ້ນຕອນການຈັດສົ່ງເຖິງໃຫ້ນາຍຈ້າງ

ໃນຂັ້ນຕອນສຸດທ້າຍ ບໍລິສັດຈະປະສານງານ ແລະ ສົ່ງມອບແຮງງານທຸກທ່ານ ໃຫ້ກັບນາຍຈ້າງຢາສງຖືກຕ້ອງຕາມກົດໝາຍ ແລະ ປອດໄພ. ນອກຈາກນັ້ນ ພວກເຮົາຍັງຕິດຕາມການເຮັດວຽກຂອງແຮງງານທຸກຄົນໃນຊ່ວງທຳອິດ, ໃຫ້ຄໍາປຶກສາ ແລະ ໃຫ້ຄວາມຊ່ວຍເຫຼືອແກ່ແຮງງານ ໃນລະຫວ່າງທີ່ເຮັດວຽກຢູ່ປະເທດໄທ.

✅ 6. ລີວິວຈາກຜູ້ໃຊ້ບໍລິການແທ້

ຫາກທ່ານກຳລັງຊອກຫາຂໍ້ມູນ, ມີຄວາມກັງວົນ ຫຼື ຢາກຮູ້ວ່າ ຖ້າໄປເຮັດວຽກຕ່າງປະເທດຕົວຈິງແລ້ວຈະເປັນແນວໃດ? ການລີວິວດ້ານລຸ່ມນີ້ມີຄຳຕອບໃຫ້ທ່ານ ຜ່ານປະສົບການຈິງ 100% ຈາກອ້າຍເອື້ອຍນ້ອງແຮງງານລາວທີ່ເດີນທາງໄປເຮັດວຽກກັບບໍລິສັດ ສຸກໃຈ ບໍລິການຈັດຫາງານ ຂອງພວກເຮົາ.

ສະບາຍດີ ຂ້ອຍຊື່ ນາງ ຫອມລະອຽດ ຄຳມູງຄຸງ ເປັນແຮງງານທີ່ເຄີຍໄເຮັດວຽກຢູ່ປະເທດໄທ ນຳບໍລິສັດ ສຸກໃຈ ເປັນເວລາ 2 ປີ ຕະຫຼອດເວລາການເຮັດວຽກຂ້ອຍໄດ້ຮັບປະສົບການທີ່ດີຫຼາຍ ແລະ ຍັງສາມາດມີເງິນເກັບຈົນສາມາດສົ່ງເງິນກັບມາໃຫ້ຄອບຄົວທາງບ້ານໄດ້ທຸກເດືອນ ຍ້ອນເງິນກ້ອນທີ່ໄດ້ຈາກການໄປເຮັດວຽກຢູ່ປະເທດໄທຄາວນັ້ນ ປັດຈຸບັນຂ້ອຍສາມາດເປີດຮ້ານຂາຍເຄື່ອງຍ່ອຍຢູ່ບ້ານ ເປັນທຸລະກິດຂະໜາດນ້ອຍຂອງຕົນເອງ.

ສະບາຍດີ ຂ້ອຍຊື່ ທ້າວ ສົມພອນ ສີບຸນເຮືອງ ເປັນແຮງງານທີ່ເຄີຍໄປເຮັດວຽກຢູ່ປະເທດໄທ ກັບບໍລິສັດ ສຸກໃຈ ຂ້ອຍເລືອກໄປກັບ ສຸກໃຈ ເພາະໝັ້ນໃຈເລື່ອງຄວາມປອດໄພ ໄປຮອດໄທໄດ້ເຮັດວຽກງານດີ, ລາຍໄດ້ດີ ແລະ ສະຫວັດດີການຫຼາຍຢ່າງກໍດີຕົງຕາມທີ່ທາງບໍລິສັດເພີ່ນໄດ້ແຈ້ງເຮົາໃຫ້ຮູ້ຕັ້ງແຕ່ທຳອິດເລີຍ ບໍ່ມີການຕວະ ຫຼື ຫອກລວງໃດໆ ຂ້ອຍເຮັດວຽກຢູ່ໄທໄດ້ 3 ປີ ເກັບເງີນໄດ້ເກືອບ 100 ລ້ານກີບ ເອົາມາຊື້ດິນ ແລະ ປຸກເລົ້າເຂົ້າໃໝ່ໃຫ້ພໍ່ແມ່ ຕອນນີ້ກໍາລັງກຽມເອກະສານຈະໄປຮອບທີສອງ ເພື່ອຫາເງິນເອົາມາໄວ້ເປັນທຶນຮອນ ແລະ ດູແລຄອບຄົວ.